Azɣan asenmetti di tmedyazt n Murad Zimu ( tasleḍt tasenmettit timsezɣent)

Abstract

Timetti! awal-agi di tsenmettit lmeɛna-s; d agraw n medden i izedɣen yiwen wadeg, zdin-ten waṭas n wassaɣen, am; tutlayt, ansayen, idles akk d umezruy. Tasekla; d iger ilelli i ufaṛes, anda yettaf iman-is umaru iwakken ad d-yegglem timetti-a, ama d ayen yerzan; tasnektayt, ama d ayen yerzan ansayen d tudert n umdan s umata. Aglam-agi, yesɛa assaɣ yeqqen nezzeh ɣer tilawt, imi, akken tebɣu tili tewsit taseklant i yettwafersen, imura ɛeṛḍen di tuget ad d-ssufɣen seg-s amzun d lemri s wayes ara d-sebgnen si tama tilawt n tmetti i deg ittidiren, si tama-nniḍen ssenqaden assaɣen-nni i tenyezdin. Aya, d ayen i yewwin imussnawen ad d-ssnulfun tarrayin d teẓṛiwin iwakken ad d-negzu asenqed-agi anmetti i yettilin daxel n yeḍrisen iseklanen