Tasleḍt tasnalɣant n tmeslayt n At Yeɛla n Uqemqum (Lesnam)

Abstract

Tutlayt d allal n teywalt1, d tamagit n yal agdud deg umaḍal. Tawuri-s ur teqqin ara kan ɣer teywalt, acku yal timetti, yal aɣref yettmeslay tutlayt-is, ayen i tt-yettağğan tẓeṭṭ assaɣ iğehden yid-s. Tutlayt n tmaziɣt, d tutlayt seg tutlayin n umaḍal, ttmeslayen-tt yimezdaɣ n Tefriqt ugafa am : Lezzayer, Tunes, Maṛuk, Libya d Maṣer, tella daɣen deg kra n tmura n unẓul am : Mali, Niğer, Muriṭanya akken i d-yenna ACHAB, (R) : « Tamaziɣt tettbin-d s wudem n waṭas n tmeslayin, ttwazuzrent ɣef yiwet n trakalt d tahrawant 2». Tutlayt tamaziɣt tebda-d s timawit (timucuha, inzan,…), imiren ulac tizrawin yettwaxedmen fell-as armi d tasuta tis 19 i bdan yimusnawen xeddmen tizrawin ɣef yiḍrisen n tsekla i d-gemren, am tmucuha d yiḍrisen n tmedyazt, daɣen tella-d temhazt s yisegzawalen i xedmen ɣef tmeslayin aladɣa taqbaylit. Seg wid yuran, ad d-nebder asegzawal amezwaru « Dictionnaire Kabyle- Français » n DU PARADIS Venture deg useggas n 1790, i d-yefkan anamek i wawalen n teqbaylit s tutlayt tafransist, syin iban-d usegzawal yettwassnen mliḥ : « Dictionnaire Kabyle-Français (Parler des Ait Menguellat, Algérie) » n DALLET Jean-Marie deg useggas n 1982, yexdem tazrawt i tmeslayt n taddart n At Mengellat i d-yezgan deg waɣir n Tizi-Wezzu. Llant daɣen tezrawin neɣ leqdicat i xedmen imusnawen