Tasleḍt tasentalant d tγessant i wammud n yisefra s Tumzabt “Ulinu” n umedyaz Salaḥ TIRICIN

Abstract

Tasekla tamaziγt sumata, tezger-d leqrun s ubrid n timawit. Tasut tettak-itt i tayeḍ almi d tewweḍ γer tallit n tira d usekles. Acu kan tuget n wayen d urwent tasutin-a yella wayen iruḥen di tatut ur d-yelhiq ara γer tizi n wass-a. Akken id yenna IBEN XELDUN «Limer ad yettwansex wayen akk i d-ǧǧan imaziγen di tsekla d tmusniwin tiγerfanin, tali ahat ad ccarent tektabin ad rnunihedman»1. Ay-a maci ala di tantala taqbaylit akken i tt-walin kra, anect-a yella-d akk di tanlaliyin n tsekla tamazi$t abaεda tantala tumzabt acku yuγ yedles aεrab n tesreḍt γur-sen γef yedles amaziγ i yellan di timawit kan yerna qlilet mliḥ, dayen i yeǧǧan asefru umzab ansay, γur-sen yetyuqet lqaleb adeyani (tasekla tadeyanit) s tutlayt taεrabt, ay-a si tasut n lwareglani di lqarn wis 12, maca teqqim tsekla tumzabt di lqaleb-is amaziγ deg timawit kan i tt-yeǧǧan ad yeγbu uḥric meqqren seg-s.