Tasuntit deg wungal Tezgertirga n Tilelli BELLAL

Abstract

Tasekla taqbaylit tuɣ abrid n unerni, seld aɛeddi-ines ɣef timawit, d tallit n ujerred, i yebdan s tira n Boulifa, J. Amrouche, M. Feraoun, M. Mammeri , T. Amrouche ... imyura-a fkan-as udem iwatan i tsekla taqbaylit, d asurif agejdan i d-yewwin tuffɣa n tsekla taqbaylit seg wudem-nni amensay (timawit), dɣa tatrarit-ines tella-d ɣef ufus n yiwen gar yirgazen imeqqranen n tsekla Belɛid At Ԑli deg yiseggasen n rebɛin, yura timucuha, tullisin, d yisefra, i d-yeffɣen deg useggas n 1963, (Fichier de documentation berbère s yisem n les cahiers de Bélaïd ou la kabylie d’antan), akken d-yebder umnadi M. Akli Haddadou: « Belɛid yewwi-d amaynut, maci s yisental kan i d-yettawi, maca ula si tama n uɣanib ushil, yuddsen. Aɣanib-a yeslal-d yiwet n tira i yemgaraden ɣef uɣanib amensay, i yeddan d tira d taywalt tartart»1. Nezmer ad d-nini yeqsed-d s wudem hrawen tawsit n wungal.