Tasleḍt tasnalɣamkant i umawal n waṭṭanen n Muḥemmed Zakariya BENRAMḌAN (2012)

Abstract

Tutlayt n tmaziɣt aṭas n leqdicat i d-yellan fell-as, ama seg yiberraniyen neɣ d terwa-s, iswi-nsen d asebɣer n tutlayt-a, ssuffɣen-d imawalen n tutlayt n yal ass, amedya J. M. Dallet ixedmen « Amawal n At Mangellat, taqbaylit-tafransist», acu kan yeffeɣ-d s annar seld tamettant-is deg useggas n (1982), akken i d-yella daɣen umawal-nniḍen n Charles de Foucauld, (Tatergit-Tafransist) d wiyaḍ. A. Basset, ... Qedcen ɣef wayen yeɛnan amezruy, tutlayt, idles, tuget deg-sen d Irumyen imi tallit-nni, d tallit n ṭṭrad d unekcum aberrani, anda i d-gemmren aṭas n wawalen yerzan tutlayt s umata. Aya i d-yellan deg umezruy ihegga-d neɣ inejjer-d abrid i yimusnawen n tallit-nniḍen akken ad snernin tutlayt, s wudem atrar. Dɣa dayen i yeǧǧan ad d-ufraren deg unnar n tussna, ama s yimagraden d yidlisen neɣ s yisegzawalen d yimawalen. Deg yiseggasen n 1970 tella-d tlallit n «Umawal» s ugraw n yimusnawen ɣef uqerru-nsen M. Mɛemmri, s umawal-agi tekcem tmaziɣt deg tatrarit s wawalen imaynuten, rnu ɣur-s tajerrumt n tmaziɣt tatrart, d umawal n tmaziɣt tartart.