Tasmiddent deg temnaḍt n Wat Leɛziz Tasleḍt tasnalγamkant

Abstract

Tasnilest d annar ussnan i d-yesnulfa umussniles afransis Ferdinard De Saussure, deg useggas n 1916 i wumi fkan isemm n temsirin n tesnilest tamatut. Irem n tesnilest yebḍa γef sin n yiḥricen (tussna+iles), d tin ixeddmen tazrawt i tutlayt, tettnadi deg umawal-is d yilugan-is am: taseftit, tajerrumt, tirawalt… , frurint-d seg-s aṭas n taγulin yemgaraden imi yal yiwet γef wacu i d-yella uxeddim-is am: tamsislit, tasnalγa, tasnamka, tasnawalt, taneggarut-a d tin i d-yelhan deg tezrawt n talγa d unamek n tayunin n umawal, s timmad-is frurint-d seg-s aṭas n taγulin ad nebder seg-sent: tasnisemt d tin i izerrwen ismawen imaẓlayen ama d wid icudden γer umdan ama d wid icudden ɣer wadeg. Tasnisemt tebḍa γef sin n yiḥricen: tasmidegt akked tasmiddent.Timetti taqbaylit zik sεan kan yiwen n yisem i ten-id-isbegnen armi i d-tekcem temhersa tafransist tefka i yal tawacult isem i tt-yeεnan i wakken ad myeεqalen way gar-sen. Fransa tefka ismawen-a iwakken ad tcemmet timetti taqbaylit. Tasmiddent tzerrew ismawen n yimdanen, si tama n talγa akked unamek