Asemres n wumyi deg wungal n Ǧamel Laṣeb « Nna Γni »

Abstract

Tasekla tettuneḥsab d azeṭṭa yesԑan sin wudmawen i ufaris n umdan akked d tikta-is. Tettara-d lwelha ɣur-s s usugen yellan deg yiḍrisen-is ; aẓeṭṭa-agi icud lexyuḍ-is ɣer wayen akk yesԑan assaɣ d tmetti ama d tutlayt ama d idles ; iḥulfan d tektiwin n ugdud-nni iwakken ad d-yeslal umdan iḍrisen imaynuten ara yeqqimen d anagi i tsuta i d-iteddun. Tasekla, tettwehhi ɣer yimahilen yellan deg annar n tira, ladɣa tid yesԑan azal anaẓuran neɣ aktawan. Tejmaԑ aṭas n tewsatin ama d tid n timawit i d yellan seg yiles ɣer umeẓẓuɣ ; neɣ tid n tatrarit i d yellan s tira akked usekkil. Md : iḍrisen n timawit ama d iḍrisen n tmedyazt, timucuha, tiqṣidin, umyiten…atg ma d wid n tatrarit dayen yeԑnan tiwsatin tatrarin ama d ungalen, amezgun, tullisin…atg ; iḍrisen-agi llan-d d tawwurt i yimeskaren iwakken ad d-ssegzin iḥulfan d tektiwin-nsen ; iferdisen-agi llan-d d lqaleb n tsekliwin n umaḍal merra ayen i d-yellan ula ɣef tsekla tamaziɣt ur nxulef ara.