Tasleḍt tasentalant i wungal «Izen yeffer wakal» n Fahim MESΣUDEN

Abstract

Tasekla tamaziγt, d agerruj yesḥbibren γef tmetti akked yidles. Tasekla tella-d d allal yeṭṭfen idles seg tsuta γer tayeḍ, tettak-d udem i tmetti γef waya tezga tettnerni, yettili-d deg-s ubeddel. Tasekla tamaziγt s umata ur txulef ara tisekliwin nniḍen ad t-naf tebḍa γef tamedyazt akked tesrit, imi tamedyazt ad d-naf deg-s tmedyazt n tyemmat, n tediyanit, n tgerawliwin.... Ma d tasrit tella deg-s: tullist, amezgun, taqsiḍṭ, tamacahut d wungal. Imi ulac agdud neγ idlesd-yufan iman-is yettaru deg tazwara n uflali-is γer tudert ; akken ula d agdud amaziγ, ayen akk d-yebda deg tudert-is yebda-t-id s wawal ; ula d tasekla-is yiwi-tt-id deg tazwara s wudem n timawit armi tuγal semman-as tasekla timawit. Ansay d amiḍran i γef yuzzel aṭas yimru n yinagmayen imeqqranen, yal wa d acu n tmuγli d usbadu i as-yefka, ansay yurrez γer tmetti i yebnan γef timawit anda imdanen snulfuyen-d iḍrisen n tsekla ama d asefru neγ dayen nniḍen akken ad d-ḍemenen tudert n tγerma-nsen.