Amawal n yifrax deg temnaḍt n Wat Leεziz : Tasleḍt tasnalγamkant

Abstract

Tutlayt tmaziγt d allal n taywalt, d anagraw n yizamulen utlayanen, maca tawur-is ur tqqin ara kan γer taywalt, acku yal timetti tettmeslay tutlayt-is. Tutlayt tmaziγt d tantaliwin yettmeslay ugdud i yettidiren di Tefriqt ugafa am (Tunes, Lzzayer, Maruk, Libya, d Maser), tella daγen deg tmura n unẓul am (Mali, Niĝer, Muriṭaniya…). Agdud-a qqaren-as agdud Amaziγ, i isawḍen ad yesnulfu yal tutlayt i yiman-is, dγa d asnulfu-agi i yiwin imnadiyen ad nadin deg tutlayt, neγ xersum ad d-sgerwen ayen akka yellan deg timawit ad t-id-smenεen seg nger. Wid i ynudan deg tutlayt, uran fell-as, qedcen deg tesnilest d tsekla, rnan uran imawalen s wacu seḥbibren fell-as. aṭas n timawalin i d-ilulen yal wa acu n tγult uγur yettuγal. Nettaf-d aṭas n yimawalen d timawalin deg waṭas n taγulin war asezwer, si tama nniḍen deg wayen yettwazrawen nettaf-d deg-s lixṣaṣ aṭas aladγa deg wayen yerzan asegzi n wawalen am yimawalen uzzigen deg taγult n tmussniwin n ugama, am umawal n yefrax.