Anekmar s tzemmar deg uselmed n tmaziγt deg uγerbaz alemmas ( Aswir amezwaru)

Abstract

Tutlayt-a d tin i d-yemmuggren aṭas n wuguren deg ubrid-is ladɣa ayen yerzan allalen n uselmed, ad naf tamaziɣt sselmaden-tt kan kra war allalen ama deg wayen yerzan ahil, neɣ adlisfus. Ahil-agi yella iteddu s yiwet n tarrayt uselmed iwumi qqaren « aselmed s yiswan » d tarrayt taqdimt i d-tewwi tmurt-nneɣ / tettwaxdem tarrayt-agi deg yiseggasen n 1997-2003, d tarrayt i yerran aselmad d netta ara ixedmen kullec anda ilaq d netta ara yessiwwḍen inelmaden-is ɣer yiswiren i d-ihegga inelmaden tabaɛen kan aselmad-nsen ttmuqulen kan acu ara asen-d-yefk. Syin akin, tutlayt terfed iman-is deg useggas n 2003, deg useggas-a anaɣlaf n uselmed yerna-d ahil-nniḍen i usnerni n ulmud n tutlayt tamaziɣt, ad d-naf akken aselmed n tutlayt-agi am uselmed n tutlayin-nniḍen merra iɛedda-d fell-as ubeddel n tarrayt n uselmed d unekcum n tarrayt tamaynut iwumi qqaren « anekmar s tzemmar, d tarrayt anda anelmad yesnernay timussniwin-ines i yiman-is». Ihi, tazrewt-nneɣ d ayen yerzan anekmar s tzemmar deg uɣerbaz alemmas aswir amezwaru, aneggaru-a yerza timussniwin neɣ tizemmar ilaqen ɣef yinelmaden ad ten-t lemden, anda inelmaden deg tarrayt-a d nutni ara ixedmen tizemmar-nsen d nutni id igejdanen deg tneɣrit, aselmad ad ten-iwelleh kan.