Awalen ireṭṭalen deg udlisfus n uswir wis semmus aɣerbaz amenzu.Tasledt Tasnamkant

Abstract

Aselmed n tutlayt tamaziɣt iΣedda ɣef kraḍ n talliyin ad naf deg-sent amek i d-yettili uselmed n tmaziɣt, ama d tarrayin neɣ d ugguren itt-yemlilen. -Tallit tamezwarut, tebda-d seg taggara n tassut tis xx armi timmunent n Lezzayer deg 1962, deg tazwara aselmed n tutlayt tamaziɣt yella deg ufus n temharsit tafransist, yella-d usufeɣ n tezrawin d yidlisen am uɣerbaz n Buzariɛa deg Lezzayer d tmezdayt n tsekliwin n Lezzayer, kra n tezrawin d yidlisen n tjerrumt ( Hanouteau, Bensdira, Boulifa, Basset...). -Tallit tis snat, seld timmunent armi d aseggas yezwaren anekcum n tmaziɣt ɣer uɣerbaz 1962/1994, ad naf M.Maammeri id-yewwin kra n temsirin n tmaziɣt, iswi n uselmed ur yeqqim ara kan akken yella deg tallit-nni n temharsa, yuz akkin iger asurif muqqren aselmed n tmaziɣt deg lawan-nni d asemmed n tira d useqdec n timawit am yisefra d tmucuha ... almen n DJELLAOUI“ seld amussu amaziɣ i yeṭṭfen acḥal n yiseggasen,tutlayt tmaziɣt tuɣal tekcem ɣer uɣerbaz deg 1995/1996 ilmend n tanaḍt taselwayant uṭṭun wis 95/147 id-yefɣen deg uɣmis unsib uṭṭun wis 29 deg 28 mayu 1995,seld aɣunzu n uɣerbaz id-yellan azal n useggas deg tmurt n leqbayel,seg 1994 armi d 1995.” 1. -Tallit tis kraḍ, tbeddu-dseg unekcum ɣer uɣerbaz deg 1995 armi d tura, Tamaziɣt tuɣal d tutlayt tunsibt imi d tɛedda ɣef tafsut n 80 d useggas amellal n uɣunzu n leqraya n yinelmaden, syin akkin teḍfer-d tafsut n 2001anda yuɣal ugdud yerra lwelha ɣer tutlayt-a, deg useggas 2016 tutlayt tamaziɣt tuɣal d taɣelnawt d tunṣibt s uɛiwed n tmendawt n usseggas-nni tamaziɣt tuɣal am nettat am taɛrabt, awanek yesnulfu-d daɣen takadimit Tazzayrit n tutlayt n tmaziɣt i usenerni-is ayagi yegla-d s usemres amatu n uselmed-is deg Lazzayer. Asenseb-is d asurif muqqren ɣer sdat, maca aseḍru-is sumata mazal-it yeḥwej ugar n uxeddim, imi ass-a aselmed-is s waṭas yella kan deg tɣiwanin i ssemrasen tamaziɣt rnu ɣer tin s uxetiri d ttriḥ n yimawalan