Asatal untitan deg wungal untit « Gar yigenni d tmurt »n Dihya Lwiz d amedya Tazrawt taseklant tagelmant

Abstract

Yal aɣref yesεa tasekla. Tasekla-a tezmer ad tettwaru neɣ telḥa-d, s timawit. Yal tasekla tesɛa talɣiwin-is yemgarden ama d tasrit ama d tamedyazt. Agdud ataram yerra tasekla-is ɣer tira ɣef zik lḥal. Ma yella d aɣref amaziɣ isedda-tt s timawit ɣef teɣzi n waṭas n talliyin. Tasekla-a tzegger-d talsa ɣer tayeḍ s wallus almend n yiferdisen n useḍru. Imezwura irefden tasekla-a, selḥan-tt seg yimi ɣer umeẓẓuɣ, s ccfawat n yimdanen, s ufran n yimdanen itewlen yesԑan tirmit, deg usqerdec n tegnatin n teywalt. Maca almend n wakud yezrin d yineḍruyen. I d-yettilin am tegrawliwin d umezruy, uɣalen yimawlan, ibabaten d t-yemmatin, ttalsen –ten-id i warrawen-nsen s telqayt. Amezruy aseklan n tmetti taqbaylit d amesbaɣur. Ibedd ɣef tciqqart n wakud, akken ad yesseḥbiber ɣef tewsatin d wansayen yemgaraden n lejdud, s wallal n timawit. Maca, di tallit n temhersa tafransist, yella-d unaqel ɣer tira ɣef ufus n yiserdasen d yideblanen irumyen. Di tallit-a n temharsa, bdan yinagmayen ttejmaɛen-d idles amaziɣ. Mačči d lemḥiba i tḥub tamurt-a, iswi-is ad yeṭṭef agdud azzayri s tussna n tmetti-is. Acku yufa ugur akken ad ttiselḥu akken yebɣa. Wid i yebdan tira d yiserdasen-is gar-asen Hanoteau Adolphe,. Basset André d wiyaḍ. Ayen i immuden tabɣest i yimyura n leqbayel, adjerrden idles-nsen akken ad yettwahrez ad yettwaru deg yidlisen, ad yeqqim yedder ilebda. Tasuta ad teğğ i tayed, ayen iruḥen yugar ayen i d-yeqqimen, imi yedda d ccfawat d wid yemmuten, seg tmedyazt d tmucuha d yinzan d tbuɣarin d yicewwiqen, atg. Aya akk d idles imawi yellan deg tallit tamensayt, maca tallit-a tamirant yella-d umaynut deg tewsatin n tsekla d tullist d wungal d d umezgun. Tigi d tiwsatin yuran s talɣa tasrit, tiwsatin-a timaynutin ɣef tsekla tamziɣt ɛeṭṭlent akken ad banent. Imyura ufan-d uguren imi, tallit n lḥers ɣef yimyura iqbayliyen, acku suturen tamagit suturen ad sṭɛerfen s tutlayt-nsen, d uẓar amaziɣ. Γef waya imyura llan ma d asizreg drus maḍi, yerna icudd ɣer tdamsa deg tallit-nni. Xas akken yella win yuran s tutlayt tafransist am Ferraɛun Mouloud, Mammeri Mouloud d wiyaḍ.