Tasleḍt tasnalɣaseddasant n yinzan n temnadṭ n Wat leɛziz

Abstract

Tutlayt tamaziɣt , d tigejdit i ɣef iresṣa ugdud amaziɣ , yis-s id-yessenfalay umdan ayen it-iceɣben , yis-s tettili taywalt wagar-asen akken wa yeṣsawaḍ tikti i wayeḍ . Si zik tella s timawit maca tura tekcem deg wannar n tira , tesɛa amawal , tajerrumt , ilugan n tira akked yidlisen id-yettefɣen wa deffir wayeḍ akken ad sseḥbibren fell-as wa ad ɛiwnen deg temḥezt-is . Tasnilest , d tussna i izerrwen lebni n tutlayt . D tazrewt tussnant n tutlayt n umdan . Nekkenti leqdic-nteɣ d win ara icudden ɣer taɣult n tesnillest . Ad nemmeslay deg-s ɣef yiwet n tewsit wezzilen yellan d agraw n wawalen id-yettakken tafyirt yesɛan anamek d tmussni akken id-yura fell-as SALḤI.M.A << Inzi,talɣa-is wezzilt , yezmer ad yili d tafyirt neɣ kra n tefyar >> 1 Am wakken neẓra,tazrawt tussnant tebna ɣef unadi ussnan akked tesnarrayt . Akken ad yessiweḍ usdawan ad yeg tazrawt , yessefk ad inadi ɣef usentel i ɣef ara yeqdec , ihi iferdisen igejdanen i ɣef ara d-nadi deg uxeddim-agi nteɣ d wigi: 1.Asissen n usentel Asentel i nefren deg tezrawt-nteɣ , d asentel i ikecmen deg taɣult n tesnillest yeɛna “Tasleḍt tasnalɣaseddast n yinzan deg temnaḍt n wat Leɛziz”