Uguren islinsanen n tsuqilt seg tefrensist ger tmazigt deg wungal ‘lmiziriya n tmurt n Leqbayel’ Albert Camus

Abstract

Tasekla tamaziɣt d tin i d-yekkan ɣef waṭas n talliyin, txuleḍ aṭas n tɣermiwin. Tella d timawit kan tettruḥu seg yimi γer umeẓẓuγ am tmedyazt timucuha, akked talγiwin tiwezlanin am yinzan d timsaɛraq syin tennerna tsekla armi tekcem γer tallit nniḍen d “tallit n tira “ anida i bdan ttarun iḍrisen-is, tebda tettaγ amkan-is deg umhaz n yidles amaziγ. Akken i d-yenna MAMMERI Mouloud : “Teččur d awalen i yellan d lsas n lebni n tsekla di tmetti taqbaylit, xas ulama ur nezmir ara ad nini belli tella teẓri n tsekla timawit.”1 Imezwura i d-yuran ɤef tsekla, tasnilest, tesnalest taqbaylit rran lwelha-nsen ɣur-s dɣa gemmren-d ayen yellan deg timawit,am : HODGSON William Brown deg udlis i wumi isemma « Collection of berber songs and tales » deg useggas 1829 meḥsub « Agmar n tezlatin akked tmucuha n teqbaylit », syin akkin yella-d Hanoteau deg udlis i d-yessuffeɣ 1858 s yisem « Essai de grammaire kabyle », yerna-d wayeḍ deg 1867 s yisem « poésie populaires de la kabylie du Djurdjura » akked Letourneux wwin-d seg timawit ɤer tira s wallal n tsuqilt, akken daɤen i dssuqlen timucuha, tamedyazt d kra n wansayen seg timawit n taqbaylit ɤer tutlayt tafransist, ur teḥbiss ara kan da yerna-d ɣur-sen ula d Mulud At MƐEMMER i d-yuran « Yenna-as Ccix Muḥend » akked « Les poèmes kabyles anciens » neɣ « Isefra n leqbayel iqburen » ar tura anadi mazal yetkemil