Limarat n tmazight di tarabt tagherfant n Tubiret

Abstract

Tamaziɣt d tutlayt tamezwarut n yimsiwal n inasliyen n Tefriqt n Ugafa. Maca aṭas n tutlayin i d-yernan γru-s, am tefniqit, talatinit, taεrabt akked tefransist. S wakka, yella-d unermis gar-as (tamaziγt) akked tutlayin tiberraniyin i d-nebder. Anermis-a, yegla-d s uzerrer n yal tutlayt γef tayeḍ, maca azerrer n taεrabt γef tmaziγt yella-d d alqayan, imi yegla-d s jellu-ynes (n tmaziγt) seg waṭas n temnaḍin. Γas akken, taεrabt tuγ amkan n tmaziγt deg waṭas n temnaḍin n Tefriqt n Ugafa, maca tamaziγt ur tengir ara maḍi, maca teǧǧa-d deg-s (deg taεrabt) later-is deg waṭas n yiswiren aladγa aswir n umawal. Ma neddem-d taεrabt taγerfant n tγiwant n Tubiret, ad naf deg-s aṭas n wawalen n tmaziγt i d-yeqqimen d anagi γef limarat n tmaziγt deg taεrabt taγerfant.