Tamsertit deg yifuras n tira n uswir amezwaru agherbaz alemmas « Ciban Aissa » Ccerfa

Abstract

Aselmed n tutlayt tamaziɣt iɛedda-d ɣef snat n talliyin ad d-nef deg-s amek id-yella uselmed n tmaziɣt d wuguren id-temlilin. Tallit tamzwarut d tallit tahersant tebda deg taggara n lqern wis 19 ddaw n tgelda tamhersant tafransist, deg useggas 1880 yella-d snulfu n uselmed n tmaziɣt deg tsedawit n Lezzayer tamanaɣt, yella-d daɣen usileɣ n yiselmaden deg uɣerbaz n Buzariɛa di lezzayer ussa-d yiɣtasen nniḍen deffir n uzemz-a akken ad yuɣal uselmed n tmaziɣt d tilawt, deg useggas n 1885 yella-d ussuffeɣ n tezrawin d yidlisen akka am udlis n tutlayt taqbaylit sɣur B. Basset, tazrawt n tutlayt taqbaylit sɣur b. Bensdira, aseggas amezwaru n tutlayt taqbaylit sɣur S. A. Boulifa, di fransa aselmed n tmaziɣt yettwasbedd s wudem unṣib deg useggas 1930 deg uɣerbaz n tutlayin n ugmuḍ n baris, asebdded-a yettak-d tizrawin timaziɣin s umata, tizrawin tiseklanin, tisnilsanin d tɣermanin.