Uguren id-yettmagar uselmad deg uselmed n tutlayt tamazight deg ugherbaz alemmas aswir amenzu d wis ukkuz deg temnadt n AtMensur d Tqerbust.

Abstract

Tutlayt d anagraw n teywalt tettwasmres s ɣur wegraw n yemdanen s yiswi n usenfali n tektiwin d yiḥulfan s lmendad n wawalen d yilugan. Deg udlis Cours de linguistique générale, Ferdinand de Saussure yenna-d: « tutlayt d allal id- yemmalen afecku i wakken ad d-tili teywalt.»1. Tutlayt tamaziɣt, d tutlayt tayemmat i yettmeslay umdan deg tefriqt n ugafa , d nettat i d tamezwarut i yessen, daɣen s yes i d-yekker deg twenaḍt anda yettidir. Tamaziɣt d tmeslayin-is yemgaraden , d yiwet n tutlayt yeddren, mazal ad tidir di tmurt n Lezzayer, yewwi-d ad n-seḥbiber fell-as s uselmed-is i tesutwin i d-iteddun acku tekcem di tgemmi n tmurt, d nettat i d lsas n tmagit n ugdud azzayri, tezga-d deg tefriqt n ugafa; Lezzayer, Lmerruk, Saḥel n Muriṭaniya, Tunes, Libya, Maṣer, Mali, Niǧer, Burkinafaṣu akked tigzirin n Kanari.