Tasledt tasentalant i wungal : Akud i tudert, Tagnit i Tayri n umaru Gamal Ben Auf

Abstract

Ilmend unagmay Muḥend Akli Ḥaddadu; llant snat n taggayin i tsekla tamaziɣt : taggayt tamezwarut d tasekla yettwarun s tmaziɣt, ma d tis snat d tasekla i d-yettwasnulfan sɣur yimura imaziɣen s tutlayin-nniḍen ( tafransist neɣ taɛrabt), ungal amaziɣ (aqbayli ) yettwaḥsab seg taggayt tamezwarut, d yiwen seg yinawen imaynuten deg tsekla taqbaylit i d-yettwasnulfan ɣer yidis n tullist d umeẓgun1. Anamek n wungal, si tama n taɣulin n wumdan d taẓuri icebḥen yerna deg yiwen n wakud, d allal n tegzi n wumdan deg tmetti,acku yettmeslay-d ɣef temsal d termitin n yimdanen s wudem ara aɣ-yeǧǧen ad ten-nwali ad ten-nefhem s telqay neɣ s wudem yemgaraden yettawi-d tigawin sdaxel n wullis yettwasuddsen ama d iwudam, akud, adeg, ineḍeruyen, udem-agi n wullis yettaǧǧa ungal yettmeslay-d ɣef yibeddlen inmettiyen d yidelsanen d ubeddel n yiḥulfan,maca ungal mačči d anaw aseklan yesɛan tabadut yerṣan.