Aserwes asnilsan n tmucuha yettwarun d tid yettwanan deg temnadt n Teghzut-Tubiret

Abstract

Tutlayt d tawil n usiweḍ n tmussni ger yimdanen, ama deg wayen yerzan ansayen d yidles s umata, tettili-d s sin wudmawen timawit d tirawit. Deg wudem amezwaru, tedder tsekla i yettusemman tasekla tamensayt timawit. Tagi tedda s waṭas n yiferdisen n useḍru i as-yettaken azalen d imeqqranen, gar-asen ccfawat i tt-iḥerzen di tkatut. Yella-d daɣen useddu-is s wallus yebnan ɣef wawal imawi s yimi. Tasekla-agi tegber aṭas n tewsatin ama si tama tudyizt am yisefra, neɣ si tama n tesrit am tmucuha. Tawsit-a taneggarut teṭṭef adeg talqayant di tezrawin yettwaxedd-men ɣef tsekla timawit taqbaylit. Annect-a tewwi-t-id C. Lacoste-Dujardin mi d-tenna: « Gar yedlisen i yerzan tasekla n timawit n Lezzayer d tmazγa d amur i yesεan azal yettunefk i tmucuha tiqbayliyin»