Azal n tmacahut taqbaylit deg usnerni n tutlayt n ugrud

Abstract

Tasekla taqbaylit d tagrumma n tewsatin, ad d-nebder deg-sent : tullist, tamedyazt, ungal inzan, timseɛraq...Tedder d leqrun di timawit, imru-s d iles, tawriqt-is d tameẓẓuɣt, tamkerḍitis d lejdud. S wawal refden-tt-id, s tayri ḥerzen-tt-id, tasuta tewwi-tt-id i tayeḍ, assa s yimru d lkaɣeḍ i leǧnas nessaɣ-i-tt-id, d nettat i tanaṣlit n yal amaziɣ, d tutlayt, d iseɣ, d nnif-nni yuzlen deg yidammen, ireṣṣa iẓuran-is deg yidles, agdud aqbayli yumen s yes-s, yefka tazmert-is ad tt-id-yessali, ad yekkes fell-as ṭṭlam ; tafat ad tt-twali, imi teṭṭef amur ameqqran di tmetti taqbaylit, amzun akken d aɣerbaz, s yes-s i d-lemden yemdanen ugar n tmusniwin, tefka azal i tutlayt, d nettat i d lsas d usalas i yeṭṭfen ansayen n tjaddit-nneɣ akken ur ɣellin ur ttmettaten.