Amawal n yisekla deg temnaḍt n Uɣbalu tasleḍt tasnalɣamkant

Abstract

tis XIX, deg tmurt n Lezzayer, gan-tent yiserdasen Iṛumyen, Hanoteau deg useggas n 1858, d umrabeḍ G.Huyghe deg useggas 1901. (1) Llant tezrawin-nniḍen sɣur Venture de Paradis i igan asegzawal amenzu ɣef tutlayt n teqbaylit: Dictionnaire kabyle-français deg useggas 1844, maca leqdic-a ur d-yelli ara s telqayt. Deg useggas n 1940, J-M.Dallet yebda tazrawt-is ɣef tmeslayt n teqbilt n At Mengellat almi d aseggas n1972, syin akkin, kra n yimassanen n tesnilest, gar-asen S.Chaker, M.Allain, J.Lanfry, d R.Reesink gemren-d ayen d-yeǧǧa J-M.Dallet d leqdic ssuffɣen-t-id d asegzawal deg useggas n 1982 : Dictionnaire kabyle-français (parler des Ait Mengellat.Algérie). Ayen d-yewwi usegzawal-a d amaynut, ladɣa ayen yerzan amyezwer n tayunin s uẓar, tira n usagem meqqren ɣef tutlayt, inzan akk d yidles, yefka-yas azal meqqren, imi aṭas n tezrawin d leqdic asdawan ɣef tutlayt d yidles amaziɣ ufan asegzawal-a d aɣbalu agejdan. Llant-d waṭas n tezrawin ɣef umawal n tmaziɣt deg leqdic asdawan, ladɣa tizrawin n turagt, aṭas deg-sent sɛant iswi n tmerniwt n tayunin ur d-yebdir ara