Aseggem amutlay : asaka n tirawalt

Abstract

Zik, tutlayt tamaziɣt tella d timawit. Aɛeddi ɣer tira yettmagar-d aṭas n wuguren gar-asen d afran n unagraw i iwulmen i tira-ines. Tira tamezwarut iɣef i d-tɛedda tutlayt tamaziɣt, tella-d s yizumal* iwumi semman "tifinaɣ". Imusnilsen d yimnadiyen mgaraden ɣef tadra-ines*, imi ulac iḍrisen imeqqranen d yidlisen yettwarun s tira-agi. Aseqdec n tfinaɣ yella-d kan i tira n yismawen d yiznan* iwezlanen i yuran ɣef yiblaḍen d yiẓekwan di zzman aqbur. Maca izumal-a d agenses n tutlayt d yidles n tmaziɣt ar ass-a. Deg leqrun ilemmasen, isekkilen i d-yettwareḍlen i tira n tutlayt d wid n taɛrabt, imi aḥric ameqqran i yuran s yisekkilen-a d wigad icudden ɣer tneslemt. Deg tmurt n Lezzayer ladɣa di temnaḍt n At Mẓab, tayfut* taseklant-nsen tura s ugemmay-agi. Maca agemmay-agi ur t-yeqbil ara uḥric ameqqran ladɣa di tmurt n leqbayel