Tamaziɣt deg tsertiyin timutlayin n Tmurt n Lezzayar

Abstract

Lezzayer mačči kan d yiwet n tehri agrakal, maca d urti amutlay, rnu ɣef waya d tamesbaɣurt seg tama n yidles. Imsiwal Izzayriyen semrasen aṭas n tutlayin “tutlayt tazzayrit”, “tutlayt n tefransist”, “tutlayt n tmaziɣt” s tantaliwin-is ( taqbaylit, tacawit, tamẓabit,…). Yewɛer nezzeh ad d-nessugen tamurt am lezzayer yesɛan 2 381 741 n kilumiter2 ( 4 n tikwal n Tmurt n Fransa/ 60 n tikwal n tmurt n swis), d waṭas n yigrawen n yimdanen deg-s, ad meslayen kan yiwet n tutlayt tayiwant, deg yiwet n tallit anda allalen n taywalt ṭṭuqten. Deg lezzayer, aɣbel amutlay mazal-it deg yiskasiyen, ad nebder tasertit n uɛereb armi d asuter n tutlayt n tmaziɣt am tutlayt taɣelnawt tunṣibt. Seg wasmi tewwi Tmurt n Lezzayer timunent-is, adabu yekkat iwakken ad yesben-d yiwet n tmagit i ugdud azzayri merra “tamagit n taɛrabt tineslemt”, i yebnan ɣef yimagraden 3 d 4 n tmendawt n useggas n 1963, i d-yeqqaren: tineslemt d taṣreḍt n tmurt; tutlayt n taɛrabt d tutlayt taɣelnawt tunṣibt n tmurt. Alallen i yettunefken i tutlayt-a d wid ur nezmir ad neḥsu, imi deg wakud-a ad tt-naf teɣmer akk taɣulin (tadamsa, idles, tasertit, tadbelt, tulɣut,…), ɣer tama-s tella tutlayt n umehres