Taslelḍt tasentalant n tmedyazt n ṬARMEC Rabeḥ di temnaḍt n Tizi £ennif

Abstract

Tasekla tamaziɣt d tamesbaɣurt s tewsatin-is ladɣa tamedyazt.Tamedyazt Taqbaylit tewwi-d amecwar d alqayen di tmetti taqbaylit telḥa-d armi d tizi n wass-a, tɛedda-d si tallit ɣer tayeḍ tegla-d s waṭas n tmusniwin yurzen yal taɣult ama : d tussna timsal n dduni tama d amezruy n tmurt n tmazɣa(ladɣaLeqbayel). Tasekla n tmaziɣt tettnerni seg tallit ɣer tayeḍ almi tewweḍ ɣer tizi n wass-a, mi d-tekker tsuta i irefden asafu n tira, akken daɣen tasekla n tmaziɣt ɣas akken zik ur tt-terfid ara tira ugtentdeg-s aṭas n tewsatin am tsekliwin n yiɣerfan nniḍen, tegber tamedyazt d tesrit , tamedyazt tella s waṭas di tmett itaqbaylit, tettili-d am wakken d lemri i wayen akk yettɛici umdan aqbayli d iḥulfan-is, ma dayen yeɛnan tsarist tegber deg umur-is aṭas n tewsatin am tumgist, tamacahut, tullist d wungal. Tamedyazt taqbaylit s umata tedder am waken tɛedda-d ɣef snat n talliyin